［其實唔難］不過冇你想像中咁有用
1. 其實原本都仲係想講港紙（又在強方），銀行體系結餘（又不停升）同埋拆息（又不停跌）。不過，為免大家覺得呃稿費，不如講下美金。
2. 樓上係美金，美匯指數嘅年初至今圖表。十分重要，你見2月中至3月頭嗰期，美金急跌，美股就繼續撞冰山之前嘅最後派對，大家估美國例外，美股例外，全世界差美國更強。錯唔晒。
3. 但，到3月嗰浸，美國封城，美金就由低位狂升，股市大跌。
4. 之後3月中後段，美金就嘔返一半升幅出嚟，股市大升。然後到近來，5月中，又係美金大跌，股市大升。甚至最新呢幾日，道指忽然跌2000點，你一樣見到美金狂升
5. 話美金同股市係逆向關係，應該冇乜人反對啦可？
6. 問題係，correlation not causation．邊個係因？邊個係果？邊個lead 邊個？點解？咁係咪睇住美金嚟炒股票？定掉轉睇住股票嚟炒外匯？
7. 答案，都冇乜人知，但似乎係近乎同步，亦都唔係互為因果，係共同受另一啲嘢影響。
8. 另外，就忘記你嗰啲乜柒「弱貨幣有助出口幫到經濟」嘅教科書廢話。世界唔係咁運作的，特別係而家成個supply chain同一百幾十年前都唔同。
9. 仲有，匯率嘅嘢，其實都係zero sum game，你貶廿個巴仙，我又貶廿個巴仙，等於大家冇郁，只係益咗買金買樓買股嘅人。你睇美匯指數，咁多年都係上上落落，40年前同而家咁水平，但美股升咗幾多倍？
10. 粗淺嘅結論大約係，成熟體系，就係弱貨幣有利股市，反向關係，唔好問我點解，實驗結果，亦同佢地出唔出口冇乜大關係（美國貿易逆差咗幾多年？）。
11. 但到新興市場，就幾明顯見到正向關係，甚麼股匯雙殺之類，可能你都聽聞過。韓國泰國印尼出事，必定係貨幣又瀉，股市又瀉，就冇撚會「貶值幫到出口」的。
12. 喔，咁香港呢？其實問錯問題，香港冇自己貨幣嘛。不過下篇可以開估，畀你睇到港股同美金嘅關係。其實都好明顯啦？
———————
版務：收費專欄已減價。支持埃汾高質文章。
一星期三篇，$175睇到6月22號，加埋過去兩個幾月所有文章。
請去呢度訂：bit.ly/2wVXndj
課程編號填: CC01
報完會有email通知，繳費後有Login及Password
逢一三五入去 homebloggerhk.com （入到去就睇到《事先張揚》）
亦睇得返以前嘅文。一般我都係會黃昏出文嘅。
6 號 最後派對 在 6號@RubberBand X 許廷鏗X 小肥X J.Arie X 鄧小巧| 時光夏令 ... 的推薦與評價
《City Of Voice by Hear To Feel》#1: 6號 @RubberBand X 許廷鏗X 小肥X J.Arie X 鄧小巧| 時光夏令時間銀髮白森林 最後派對 根. 291K views 1 year ago. ... <看更多>